Retour à l'accueil

Retour à la liste des pièces

 

PIÈCE GAIE EN 1 ACTE ET 1 TABLEAU EN CAROLO

 

 

 

DE CAMILIA MERCIER ET JEAN PIERRE LORAND

 

 

 

 

 

        ENE CANÂYE 

 

 

 

Décor: Salle à manger bourgeoise.

 

Distribution: Armande           la patronne

 

Georges                                  le mari

 

Emma                                    la servante   très spitante

 

Claude                                    l'amoureux   timide

 

 

 

Au lever du rideau, Emma arrose les fleurs.....

 

 

 

LA CANAILLE

 

Traduite en Français par Jacqueline Corbisier et Jean Pierre Lorand.

 

Réactualisée en wallon carolo d’après la version française par Lorand jean Pierre

 

 

Résumé: Quand on est riche, cela attire parfois la convoitise des autres

 

à votre insu. Tout le monde n'est pas aussi gentil qu'on ne pourrait le

 

croire. Autrement dit : « Il ne faut jamais se fier aux apparences ».

 

 

 

2H....2F

                                                                                                  

 

SCENE I… EMMA...ARMAND

 

 

Emma: Mes patrons vont pârti en condji, mins mi patrone, èle n'éme nén ça, èyèt mi dji sés bén pouqwè. C'èst pasqui èle est-amoureûse di Claude èyèt Claude, c'est m'galant actuel. Adon come îs sont ritches, dji m’va essayî di s’crèper ène miyète di liârds pou qui Claude èyèt mi  nos pourîche no mète in mwinnâdje èl pus râde possîp’. Pou ça dj’é in plan qui n'pout nén rater. Quand i gn-a moyén d'tirer du profit pa lès timps qui coûrt, i faut saisi l'ocâsion, dji va lès s’crèper au maximum. Ah! Madame est-amoureûse di m'galant, dji sés ç'qui mi d'meûre à fé. Si èle saveût ç'qui li pind au nez à s’gârce là, èl prindreût dj’à in mouchwè d’poche pour brère.......Mi, c'est l'patron qui m'done dès liârds en catchète, mins tèl qu’ène arâgne dji tîss’ mi twèl’ èyèt dji lès téns pa lès patt’s tous lès deûs. Chut.......Dj'ètinds ène saquî...                ( Armande arrive de la chambre avec une valise)

 

Armande: Mi p’tite Emma, djé in p’tit servîce à vo’n  m’d’mander !

 

Emma: Tout ç'qui vos vlèz, qwès c’qui dji n’freûs né pou madame on ? Vos savèz bén qui vos pouvèz compter d’sur mi, dins totes lès circonstînces.

 

Armande: Vos avèz sûr'mint r'marké qui intre mi n-ome èyèt mi, i gn-a wêre di flamm’ dispûs in p'tit timps, pupons d’étincèle dins sès îs quand i vous côp bén mi r’wéti. Dis m’costé, dji n’é pus d’papillon dins l’vînte quand dji seûs à costé d’ly, mi libido mi scape. L’amoûr èyèt l’complicitè nos ont quittès pou fé place à l’ennuiy’mint. Tous lès week-ends, i l'a toudis ène èscuss’ pou d'alér vîr à l'atelier s'i gn-a rén qui va maux ou vîre si tout va bén. Quand c’n’èst nén l'foutbale, bén on va pèchî… avou lès gros clients on djoue au golf, on va s’pourmwinner à tch’faux dins lès bos. I n'sét nén qwè trouver pou m'lèyî toute seûle come ène vîye paire di scapin dins l’qué dji m’sint bén, mins qu’on n’sôrt pus.

 

Emma : Pouqwè vo casser l’tièss’, fèyèz l’minme…Purdèz in amant èt tint qu’à fé, vos n’èstèz né dins l’dèche, offrèz-vous un biâ djôneome èyèt pèrfaûrmant…ça sogn’ra vo mélancolîye !

 

Armande : Vos savèz qui c’èst m'n-ome qu’èst ritche, èyèt ly avou ses liârds c’èst-aujîye, les djins ly sourient-nu, l’invite à gauche à drwète… i l'a bén seûr des aventur’s, dj’é vèyu dès djolîyes feûmes li tourner autou avou insistînce, c’èst facile pou ly d’awè dès aventur’s ça èyèt là…D’ayeûrs, dins l’potch’ di s’maronne dj’é trouvè i gn’a quénze djoûs li note d’in hôtel restaurant pou deûx persaûnes. Ça m’a mètûye in colère èyèt ça m’a fé d’èl pwène. Pou m’calmer èyèt réflèchi, dji seû st’allée mi pourmwinner dins l’pârc. Pierdeûye dins mès pinséyes, ène ome m’a acostéye, nos avons d’visé ène miyète èyèt puis i m’a invitè à l’tèrrass’d’ène brèsènn’, mon Dieû, qué djinti gârçon, dès îs…èyèt sexy avou çoulà…I m’a dit qui dj’èl pléjeû bén…Dji seûs tcheûte sous s’charme…Oh ! I n’èst nén ritche du tout, mins tél’mint charmant èyèt honnête.

 

Emma: Ci n'est nén Claude qu'on l'lome qué d’fîye ?

 

Armande: Comint ç'qui vos savèz s’prénom on vous ?

 

Emma: Bén ayîr, quant dj’a v’nu vo d’mander s’i falleût candjî lès draps d’lét, vos èstîz au tèlèfone, sins l'voulwêr, l'uche èsteût ènn’ miyète drouvue èyèt dj'è ètindu ène partîye di vo conversâtion. Dj'é ètindu qui vos l'lomîz Claude vlà tout.

                                                   

Armande: Vos choutèz aus-uches asteûr ? Ni vos gênèz nén, vos duvrîz yèsse onteûse, vos mérit'rîz qui dj'vos rèvoye. Comint c’qui dj' poureût awè confyince in vous?  Portant vos î gangn'rîz branmint, savèz ndi bouchî vos orâyes èyèt dji vo promèts qui vos s’rèz gagnante dins tots lès domaines.

 

Emma: Oh! Mins, dôrmèz d'su vo deûs orâyes, madame; dji sés t'nu in s'crèt savèz fuchèz-è certène, dji s’ré ène tombe. Eyèt puis…avou ène amant vos s’rèz tots lès djoûs di boûne humeûr !

 

Armande: Dji l'espère bén. Vos s'rèz récompinséye pou t'nu mi s'crèt

(Elle va dans le tiroir et prend quelques billets, et les donne à Emma)  Tènèz, pusqui vos n'alèz nén en vacance, vos vos ach'trèz ène saqwè à vo goût. Dji compte d'sûr vous pou vo discrètion, compris ?

 

Emma: Madame pout awè entièr’mint confiance, persône ni s'ra au courant, ça d'meur'ra intrè nous vos virèz à qué pwint dji seû fiâbe. (Georges entre)

 

 

SCENE II… GEORGES...ARMANDE...EMMA

 

Georges: Ah! Armande...Alèz-é vîr si dj' n'é rén roubliyi dins mès valises. Dj’é toudis l’art di rouvî ène sakwè.Pou ça lès feumes sont pus douwéye pou fé les bagâtch’s

 

Armande: Come chake côp vos con’chant  i mank'ra bén sûr dès afêres... avè vo tièss’di linote. (Elle sort) Dj'arife, dji m’va taper ène n’oûye de ce pas, monsieû mi n’ome.

 

Georges: (A Emma) C'esteût l’excuse pou vos dire in p’tit arwêr, m'chèrîye, vos alèz m’manker… (Il l'embrasse) Fuchèz sadje tint qui dj' s'ré absent. Dji vos téléfon'ré promis. Ni fiyè nén èn tièss’ parèye,

 

vos savèz bén qui si madame ni va nén fé s’cure à Vichy, èl crwèt qu’èl va piète si piâ di pîche vinégre èyèt si dji r’fusse, èl va awè dès supçons si èl n’èst lès za dj’à nén ! Mins vos aurèz ène surprîje à mi r'toûr. (Il ouvre son portefeuille et lui donne quelques billets) Tènèz, m’pouyon vos irèz achtér ène bèle cote èyèt dès djolis d’sou  vos s’rèz cô d’pus désirâbe insi, dji vos trouv'ré cô pus djolîye quand dji r'véré. Nos f’rons ène sôrtîye in catchète, au p’tit hôtel restaurant, èl cén qui vos trouvèz si class’. Dji vos adâure, dj’é toudis invîye d’vous. Fèyèz’-m in gros bêtche d’vant qui l’mante religieuse ni r’vègne. (Il l'embrasse).

 

Emma: Mins dji seûs trisse qui vos partèz, savèz mi, dji m’va cô mi r’trouver tote seûle, come ène âme en pwène.

 

Georges: Chèrîye, dji vos tèléfon'ré tous lès djoûs diviè 11 h c’èst l’eûre ou dji prinds l’apéro avè mès copins. A c’n’eûre-là madame fét sès cûr’s di jouvences…èt puis 10 djoûs ça pass'ra co râde.....Chut èl rivént (Il s’écarte) Emma ni rouvièz nén di prinde swin di mès plantes d’sul tèrrass’, dji compte d’sur vous.

                                            

Armande: (Entre) Vo maillot s'ra bén seûr trop coûrt èyèt trop s’trwè ç'n-anéye ci, avou lès kilos qu'vos avèz pris d'su wêre di timps, tot va disbaûrdi.

                                            

Georges: C’èst bén l’preûve qui vos n' mi rwétèz nén souvint; ou bén, vos  m' n-aurîz djà achté dès nouvias.

                                             

Armande: C’èst ç’qui dj’fé monsieû m’n’ome, vos peûrdèz pou ène idiote ? Vinèz donc essayî ça dins l’salle di bain, dji sés qui monsieû drague dins l’piscine à Vichy-lès-bains. Dji vos zé inscrit à sakants sèyances di drinnâdje du vintrâl ça n’vos f’ra pon d’tôrt non pus, vous ç’n’èst ène cure di r’mîche en fôrme qui vos alèz fé, mins ène cure di Ricard au comptwè avèz vos camarâdes. (Ils sortent) Vos alèz cô gonfler come in ballon di tots façons…i gn’a pus qu’vos vînte qui gonfèle di tote façon ètou.

 

Emma: (Seule) Lès vacances c’èst lès vacances ! Ça va bén, dj'é d'jà ramassé in bon paquet. (Elle compte ses billets) 1,2,3.......etc...400 euros C'n-èst nén mau d'su dîjes minutes, c'n-èst co qui l'dèbut, s'is savît c'qui lès ratind! Dji dimande si Claude a touchî ostant qu'mi ? Dji m’souvéns qu'i m'a dit qu'Armande li don'reût 3000 euros quand èl rivéreût, pou li permète di doner ène acompte dissu ène auto d'ocâsion. Quand nos s'rons en mwinnâdje, i nos faut ène auto pou fé nos p'tits toûrs en amoureûx. Si l’patrone pinse qu'èle va ly fé l’coup d’la panne èyèt qu’èl va pouvwèr djoûwer lès grosses cochonnes in n’auto avè m’Claude, èl si mèt l’dwèt dins l’oûye ! Dj’èl wè d’jà cachant dès prétextes pou qu’il l’mwinne fé sès coûss’s…mins s’plégî-là m’chère madame…èyèt plégî d’èl pîa in prime…ça va s’payî fwârt tchère crèyèz-m ! El rouvîye di si rwéti si vîye crapaûte là èl a quénze ans d’pus qui m’Claude…C’n’èst nén s’cûre en France qui candj’ra ène sakwè, èl ara beau bwère 50 lites di Vicky ça va né r’tingler sès piâs.

 

Armande: (Se pointe sur la porte de la chambre mais Georges arrive justement) Dji m'douteûs bén qui vos n'aurîz pus sû mète vos maillot... Eyèt l’nouviâ èst ossi trop sèrré, on direût qui vos boubounes sont d’sous vide tint qu’is sont s’pochî. Nos pârtirons deûs eûres pus râde pou aler l’èrcandjî dins l’boutîke à Bruxelles. Ça tombe bén, on passe d’vant ç’magazin là d’vant d'prinde l'avion. Vos plèz bén bouclé lès valises chef.

 

Georges : Els sont boucléyes.

 

Emma: Vos n'avèz nén rouvyi vo pipe èyèt vo toubac, monssieû ?

 

Georges: Ah! Si ya pou pallièr au manke, dji va dè qwé in pakèt au librère èt dji prindré in pack à l’aéropôrt. (Il sort)

 

Armande: Emma, dj'é co ène saqwè à vos d'mander. Si jamés Claude téléfone, durant m’n’absînce vos ly espliquèz qui dj'i seû st-oblidjîye di chûre mi n'ome pou lès condjîs, qui l’cûre à Vichy à pou but di yèss’ pus attirante por ly. Dites-ly qui dj' li sonn'ré  di timps in timps en catchète.

 

Emma: Ça s'ra fét, madame. Fuchèz paujère là-d'sus, dji f’ré l’ commission.

                                           

Armande: Co ène saqwè, Emma....Si in djoû Claude vouleût v'nu m' vîr droci, èyèt qui Georges li vîreût, vos m'frîz pléji di dire qui c'est voss’ galant.

 

Emma: Qwè ? Mins ça n'va nén dins vo tièss’! Mins ça n’si fé nén savèz coulà madame, qwès ç'qui mossieû direût ? C'èst gênant pour mi savèz st-afêre là.

 

Armande: Eyèt pouqwè qu'c'èst gênant ? Vos pouvèz bén awè in amoureûx ètou, non ?

 

Emma: Mossieû m'ème bén come servante, i sét bén qui dji seû sérieûse, i risquéye di piète si sing-freud èt di m’rèvoyî pou faute grâfe s’il trouveût m’n’amoureûx d’su m’bèsogne èt pindant m’sèrvîce. Non madame vrémint ça n’si fét nén. Monssieû va m’prinde pou ène couche-tu là sins morâl, dji seû nén in boudin quant d’minme, dj’é du savoir-vivre, non mins s’côp-çi !

 

Armande: Choutèz-m bén come i faut Emma, si vos accèptez di m sout’nu in cas d’problèm’…dés mi r’tour dji vers’ré d’su vos comptes in banque in 13 ème èt in 14 èm mwès. Fuchèz solidère avou ène feûme triss’ èyèt sins disfînce…vos avèz tot à gangnî.

 

Georges: (Revient) Vlà m'toubac èyèt m’pupe! Asteûr, dji pinse qu'on pout pârti.

 

Armande: Vos purdèz lès valises, dji prinds m’n’impert. (Elle ouvre la porte de la chambre et sort son imper et sa trousse de voyage) Vlà!dji seû prèss’. Emma, arwêr, eûchèz bén sogne du tchèt des  tchéns, dès poûyes èyèt l’bèdo, wétèz bén si l'uche di l'istôve èst bén sèréye au gnût. (Elle sort) (Georges à son tour entre dans la chambre et ressort avec sa valise.

                                                       

Georges: I gn'aura asséz d'mougnî pou lès bièsses pou lès dîx djoûs qu’nos s’ront stèvôye. (Regarde si Armande charge la voiture et revient vers Emma) A r’wêr m’chèrîye, dj’é ène magnifik surprîje pour vos à m’retour, peûrdèz paciyînce. (L’embrasse et sort)

 

Emma: (Enfin seul, prend son GSM)  Alo, Claude chéri !...Lès mouchons sont st-èvolés, li vwè èst libe vos plèz v'nu asteûr, oyi, dji vos espliqu'réz tot ça quand vos s'rèz ci, m'chèri.....d'acôrd, à tout d'chûte. (Raccroche) Ah Ah, Lès bèles vacances qui nos alons passer droci tous les deûs dins si p’tit château. Dji m'vas spôrgnî du courant, di l'eûw, du mindjî, dji vas dè profiter pour laver toutes mes couvêrtes èyèt lès ridans di’m monjone avou leû machine èyèt leû poude. C’èst come ça qu’on spaûrgne dès liârds en f’yant dès p’tites économîyes.

 

                                             

                            RIDEAU  2 MINUTE

                                                          

2 ème partie. Au lever du rideau, Emma et Claude sont assis dans le fauteuil et boivent une bonne bouteille.

 

 

SCENE III… EMMA...CLAUDE

 

Emma: C'èst bon d'bwâre in bon vèrre d'su l'compte dès patrons. Eyèt dire qui madame pou vo plère, èl èst-à l’eûye di Vichy…

 

Claude: Vos pinsèz qu'is n'vont nén vîr qu'ons a bû sakants boutâyes ?

 

Emma: Téns disbouche cèlles-ci pour sayîz l’grand-cru bourgwès. I’n n’a tint dins l’caûve du château, is n’pourrons jamés l’vîr.

 

Claude: Ni sous-èstim’ nén monssieû le Comte, i verra p’tète qu’on à tripoté à sès boutâyes.

 

Emma: I n’wè dj’à nén qu’tu tripotes si feûme…Mins non, chitard. Madame Armande bwèt ostant qui ly, adon is n'saurît nén contrôler ça, in!

 

Claude: Vos èstèz bén seûr qu'is sont bén stèvôy’ ?

 

Emma: Mins oyi m’chouchou, à c’n’eûre çi, is sont djà bén long. Eyèt is n’front nén d’mi-tour car d’vant  d’prinde l’avion madame dwèt co d’aller fé candji si nouvia mayot d’bain.

 

Claude: Vos avèz djà yeû dès liârds, vous ? Mi l’comtess’m'a promis  3000 euros pou mète dissu m'n-auto quand èle rivéra. Ele vous v'nu l'chwèsi avè mi.

 

Emma: Li picronne, èl èst st’ossî tchaude qu’ène barake à frites…bén seûr qu'èl vout sawè si èl s'ra bén achîge d'dins èyèt lès sièges coutchèttes fonctionnent nu bén quand èl vos propos'ra d'aler fé in p'tit toûr ? Non mins pou qui ç’qu’èl si prind ç’n’ariscrotate là, si él crwèt qui dji vas t’lèyî fét l’caûp d’èl panne…El rèf’ ! Nos caus'rons d'ça au momint voulu, pasqui asteûr (se raprochant de lui) dji voureût bén fé ène pitite gâtéye in gros calin di vos cru spéciâl… puissant, goulèyant voluptueûx… inflamé.. Après in si bon vin, li tchaleûr ni vos monte nén à l'tièss’,vous ?

 

Claude: Non, ça va co, qwè qui........dji sins ène pètite afêre......

 

Emma: (Ôte son gilet pour commencer) Enfin, ène pètite papouye nos f'ra du bén. Dji n’èn pou pus d’ ratînde, dj’é si invîye d’ène calin’rîye nos n’avons né yeu branmint l’occasion ni du timps à nous di ces momints-ci... (Ils s'enlacent dans le divan, mais soudain!.....on entend un bruit de moteur, et une portière qui claque)

 

Claude: (Fait un bon de deux mètres et va voir à la fenêtre

Qui ç’qui ça pou bén yièsse à s’n’eûre çi ? Le bruit vient de la cour, mon Diè nous sommes cu, c’èst zèles.C’èst vos patrons qui r’vègne-nu, oyi c’èst … (Il est tétanisé devant la fenêtre, il tremble tellement qu’il ne sais plus parler)

 

Emma: Qwè ? (Elle attrape Claude par le bras), Vite i nos faux disbarasser lès vèrres èyèt lès boutâyes èt i nos faux nos catchî dins l’salle di bain ! I faut qui dji troufe rad’mint ène astuce…ça y èst, dji sèrr’ l’uche dès tchambes, fèyèz couler l’douche…Allér r’muèz vos crâyes.

 

                 

SCENE IV… ARMANDE...GEORGES...EMMA

 

(Armande et Georges entrent en trompe)

 

Georges: Emma!.....Emma! ...Où ç'qui vos èstèz on ? Vos n'avèz nén vu nos biyèts d'avion?  (Ils cherchent partout dans les armoires)  

 

Armande : Emma, vos m’ètindèz ? (Ils cherchent partout tous les deux. Elle veut aller vers la salle de bain la porte est fermée) J’ètinds l’douche… (Elle frappe dans la porte) Emma ???...

 

Pour la suite, contactez-nous.

 

Retour à l'accueil

Retour à la liste des pièces