Ce site est protégé par la SABAM, sous le n° de dépot 21.330 du 07/09/2006 et est soumis au droit d'auteur.
Aucun contenu ne peut être utilisé sans l'accord écrit de l'auteur.
Le site a été réalisé entièrement par Jacqueline Corbisier.
-------------------------------------------------------------------------------
PIECE GAIE EN 3 ACTES ET 2 TABLEAUX
Année de création: 1982
Réactualisée en 1999-2000
DISTRIBUTIONS 7 H.....4F.....FIGURATIONS 1H ......4H
FIGURATIONS ORCHESTRALES SUIVANT LES DISPONIBILITES
Paulin 45 à 50 ans.....Père de Nicole
Simone 40 à 45 ans.....Mère de Nicole
Nicole 20 à 25 ans.....La fille
Léonie 60 à 75 ans.....Femme de charge
Bertha 65 à 80 ans.....Mère de Simone
Robert 40 à 55 ans.....Jardinnier
Pasternoster 45 à 60 ans.....Notaire
Policier 25 à 35 ans.....Policier
Jules 45 à 60 ans.....Convoyeur et Rebouteur
Ali 25 à 30 ans.....Fiancé de Nicole
Gaston 50 à 60 ans.....Oncle d'Australie, frère de Bertha
Elèbounamète Père de Ali.....Figurations
4 danseuses
Pour tous renseignements concernant cette pièce, contacter l'auteur!
Lorand Jean-Pierre, 6/5 Avenue des Alliés 6000 Charleroi Tél : 071418534
Gsm : 0498275407 E.Mail : jplorand@hotmail.com
Jacqueline Corbisier E.Mail: jacquelinecorbisier@skynet.be
SABAM
PIECE PRIMEE, A GRAND SPECTACLE, DUREE 3 H
Sauf la souffrance physique, tout est imaginaire!
CARACTERE DES PERSONNAGES
---------------------------------------------------------------------
Paulin.....Père de Nicole du genre gaffeur, nerveux ce patron de café, pigeonniste acharné. Il est dépassé par tous les événements qui lui arrivent.
Simone.....Epouse de Paulin, elle a une sainte horreur des pigeons, et très énervée des gaffes de son mari.
Gaston.....Oncle d'Australie très jovial, il revient après une longue période.....
Léonie.....Femme de charge, genre madame sans gêne,sourde quand cela l'arrange. Mégot à la bouche, chaussette d'homme, foulard croisé sur les cheveux, maquillage affreux, vieux tablier, pas coquette pour deux centimes.
Ali.....Futur fiancé, très attendu. Accent Arabe, fils de Alibounamète, qui est le bras droit du grand émir " le Chat Moramed Nasrides Benchouick"
Robert.....Le jardinier qui en sait lui ,des noms savants. Rôle comique.
Paternoster.....Ce notaire est un homme sérieux, fera-t-il des bonnes affaires?
Policier.....La loi, c'est la loi! Mais Nicole lui plaît beaucoup, il est très timide.
Jules.....Convoyeur, rebouteur, amis de la maison depuis des années, il est jovial.
Bertha.....Mère de Simone, arrive en vacance deux-trois jours, est-ce bien le moment choisi ? Gentille bobonne.
Nicole.....Fille de la maison, attend le plus beau de sa vie. Essaye de calmer les irritations des parents.
Elèbounamète et sa suite de danseuses, raviront les yeux du public. Après tout dans le pétrole on ne se refuse rien.
LOTTO.....PIDJONS.....PETROLE
ACTE I
SCENE I
LEONIE.....SIMONE
( Au levé de rideau, une vieille dame. Léonie, qui est la femme de ménage, du genre " Madame sans gêne ", brosse le parquet. Elle a un mégot en bouche, des chaussettes d'homme dans ses pieds. )
Léonie: Wète mi ça toute li pous'yière qui gn-a côp véci. Eyèt tous les djoûs c'est l'minme renguène ,in! Eûreûs'mint qui dji nén pus qu'pou vingt ans à travâyi. A nonante-cénq ans dj'arête, stop, terminus. Faut dire ètou qui l'lindi matin, y faut l'timps qu'lès ochas s'mèt'nu in route. ( Elle soulève le tapis, et pousse les poussières en dessous. ) Téns quand l'aspirateûr s'ra réparé, i mougn'ra tout ça.
( Téléphone) Allo?.......oyi........qui ça ?.......Mam'zèle Nicole.....èle n'est nén çi....Qwê?.....dji n'vos intind di d'long!....Non...pas là.....Quand ç'qu'èle s'ra là ?.....dji n'sé nén mi mossieû.......Qwês c'qui dji dwêt li dire ?.......qui vos l'aimé branmint........Qwês c'qui ça m'fét mi!.......Dji n'vos intind nén bén savèz èyèt puis dins les afêres d'amour, i vaut mia fét ses comisions li minme. Qwê vous ne pouvez-pas......non......moi pas comprendre toi........moi racrocher.......vite le cornet, pasqui toi énerver moi......c'est ça.......han! moi pas devoir racrocher .......èle n'est nén çi vos ditche, pas là...pas ici......c'est ça pas là......enfin ta compris i lès st-a peu près timps m'fî, moi racroche....( Elle raccroche, et reprend aussi ) Eyèt les orâyes ça si r'nèchîye. Qué drôle d'accint qui l'aveût, t'aureût du dire ène sôrte d'Arabe. I n'a cas fét ses comisions li minme. ( Simone entre côté café, avec un sac de provision )
Simone: A! Léonie, mètèz çoulà dins l'frigo SVP. Du ravitây'mint pou saquants djous. I faut profiter du mârchi pou wêti d'gangnî in francs ô deûs. Qwês-ç'qui vos alèz fét pou l'dinner?
Léonie: Canadas, pouria, saucisse.
Simone: Cô d'èl saucisse ? Mins on d'a cô mindji sèm'di!
Léonie: Djé pris l'preûmi paquet qu'esteût à l'coupète dins l'congèlateûr. Et puis sèm'di c'esteûs dèl fine, èyèt aujourd'hu c'est dèl grosse. Eyèt là-dins fèyèm con-fyînce, dji mi conès. ( En riant )
Simone: Qwês-ç'qui vos fét rire insi on Léonie ?
Léonie: Oh! rén. Dji sondjeûs à tous les mètes di saucisse qui djé d-djà cut dins m'vîye.
Simone: Alons alons à vos n'âdje, sondji à des afêres parèyes.......
Léonie: Timps dèl guère, si on d'avèz yeû in p'tit bouquèt seul'mint, on n'aureûs stî aus anges.
Simone: Lès bon avou ça, nos vîrons bén ç'qu'il patron dira. Mon Dieu, i lès dédjà 9h25! Li cabarêt s'rimplit avou l'étèr'mint...
Léonie: Bon, dji'm va r'mète çi sâtche là dins l'frigo, èyèt dji'm va vîre à mes cas'roles. En route vîye bièsse.
Simone: Eyèt mi dji'm va mète ça à place ètou. ( Simone range ses conserves et autres commissions, dans le meuble, le téléphone sonne. )
Alo....qui ? A! Nicole.....non èle n'est nén çi mossieû...... non pas être là....Mins à qui ès-je l'oneûr SVP.....Qui èsteûve ?.....Qui.......répète in côp s'nom là....Elèbounamète!....et vos sonèz d'où là ? D'Algérie....et bén ça ! Mais non...je vous dit qu'elle n'est pas ici.......( Léonie sort de la cuisine et écoute ) je ne sais pas à quelle heure elle va rentrer.........Dji n'vos comprind nén bén savèz avou vos n'accint là mi! Oyi dji li diré qui vos avèz soné......c'est ça .......qwês ç'qui ça vous dire malicoum salam....ha! au-revoir...oyi salut!
Léonie:C'est cô m'nome ?
Simone:Qwês ç'qui c'est d'ça pou yin on ? On direûs ène sôrte d'Arabe. I faura qui dji l'i d'mande des explicâcions quand èl va rintrer ça. Comint c'qu'èl a des relacions di t'si lon va ? ( regarde sa montre) Oh! èl ni divreût pu t'aurdjî dandj'reûs
Léonie: Les èfants d'asteûr non pus qu'ène chance d'su deûs , di tchère d'su invrés walon.....
Simone: Djusse! mins ène Arabe...mon Dieu....qwês ç'qui Paulin direût ? Bén wêtèz qui ça m'tracasse.
Léonie: Mi madame, i gn'a ène n-aute afêre qui m'tracasse, c'est qui l'bonbonne est vûde à l'cujène...èyèt i faut.........
Simone: Djé compris, nos alons l'candjî tout tchûte. ( En sortant ) I'n da yène di réserve dins l'rimîje.
SCENE II
PAULIN.....NICOLE
Paulin: ( Entre et crie après Simone. Celle-ci ne l'entend pas de la remise.)
Simone....Simone!....Quand on a dandjî d'ène feûme droçi on n'èle trouve nén! Simone....( Il chipote dans l'armoire, pour changer la monnaie. Nicole arrive justement.) A! Nicole vos tchèyèz bén mi p'tite. Dimèrèz deûs minutes dins l' comptwê, i m'faut d'èle manoye pou in client!
Nicole: É...! bondjou tout d'minme in papa. On n'a nén l'timps di r'tchère, qu'on z-è st-ègadjî d'su l' tchamps avèz-vous.
Paulin: Bondjou mi p'tite, dji n'trouve nén vos moman et vos savèz qui dji n'ème nén d'lèyi les clients tout seû.
Nicole: D'acôrd mi p'tit papa, li timps au mwins di r'sachî mes loques, èyèt dj' arive!
Paulin: Merci, dispéchèz-vous. ( Sort )
Nicole: Mi, li cabarêt....ça m'tape dissu l'coyiène. ( Nicole allume la radio, met ses vêtements sur le divan, se recoiffe un peu.) Come rintréye ,c'est triomfale. Dji'm dimande où est m'moman ? ( Ouvre les porte et crie partout)
moman! Moman! ...Bon, bén tant pis......Dji m'va au cabarêt, si non dins cinq minutes c'est là guère. ( Nicole sort , et Paulin rentre aussitôt , la radio fonctionne toujours.)
Paulin: C'est dédjà li trwèzième biyèt qui dji candje dissu à pwène ène eûre. Li quéze èyèt l'trinte du mwês, y faureût bén ène berwète di manoye.
( La radio annonce, dans quelques instants nos informations de 10h,voici tout d'abord les résultats du lotto ) Dîjes eûres! I va yèsse timps di doner à mindjî à mes pidjons, dji seû djà en r'tard, i gna rén d'pus mwé qui di yèsse en r'tard, c'est come ça qu'on rat'reûve in championnat. ( Le temps qu'il parle la radio donne les numéros, 38,32,21,18,40,13 et le complémentaire le 6 , Paulin chipote dans sa monnaie...) Eyèt on dit qui gn'a pupon di liârd!
( Paulin ayant prêté une oreille à la radio, saisit les numéros et s'adresse à la radio...) Qwê ?.....In!....Répétèz ça in côp.....,saperlipopète .....( Le spiker...je répète les numéros pour ceux qui n'aurait pas pris note. Avèz-vous de quoi écrire?) An...c'est l'vrés.....râde in papî.... Où?.....( Il retourne les tiroirs.)
Mi stylo...,quand i faut ène saqwê ....râde....( 38,32....le 21, le 18....le 40...le 13 et enfin le complémentaire.....le 6. Pour ceux qui joue au joker, c'est le trois, zéro ,zéro, sept, deux, quatre, neuf. 3millions -sept-mille-deux cents quarante- neuf. A présent la suite de notre journal sportif.........)
Nén posibe in! nén posibe....c'est numéro là m'dîje-nu ène saqwê...Râde qui dji r'trouve mi bul'tin d'lotto.....( Là, il retourne carément les tiroirs en quatrième vitesse.) Et où ç'qui l'èst ? Mi bul'tin......au secours..., aûs voleûrs..... on m'l'a volé....Simone...Simone...aûs voleûrs.....( Ouvre toutes les portes) Nicole, bloquèz l'ûche du cabarêt...aûs voleûrs.....Simone.....
SCENE III
PAULIN.....SIMONE.....LEONIE
Simone: Mins vos dè fièz yin d'chahût.Mins wètèz ça,! Qui ç'qu'a r'tourné l'monjo insi on ? On direûs qui gn'a yeû ène tornâde!
Paulin: Simone.....Simone râde! ( Tout estomaqué )
Simone: Mins qwê Paulin, vos div'nèz sot ou qwê ? ( Ferme la radio)
Paulin: Râde!
Simone: Qwê rade ?
Paulin: Mi papî d'lotto!
Simone: Qwê qui gn'a avou vos papî d'lotto?
Paulin: I m'èl faut tout tchûte. Où c'qui lès ?
Simone: Bén dins l'soupière come d'abitude, c'est là qu'vos l'mètèz toutes les sawmènes.
Paulin: A! c'est l'vrés, ....c'est l'émôcion.....c'est...l'choque!
Simone: Eyèt c'est pou ça qui vos ameûtèz tout l'coron? ( Paulin vérifie son bulletin )
Paulin:Djè l'é....djè l'é......nén posibe.....djé l'é....Chîje.......Riwêtèz!....
( Il attrape Simone et la fait tourner en chantant....) , lalalalalère, lalalala... dîje ans qui dji joue les minmes numéros.
Simone: Mins enfin Paulin qwês ç'qui vos prind on ?
Paulin: Djé gangnî Simone, djé gangnî !
Simone: Quate numéro au lieu d'trwês, ça n'vaut nén lè pwêne di fét ostant d'brû
Paulin: Mîa qu'çoulà Simone....
Simone: Cénq ? C'est ça ?
Paulin: Pus yin...ça fét ?
Simone: Chîje ! Vos djouèz avè mes pîds m'n'amis. ( Estomaquée )
Paulin: Pou in côp vos comptèz bén, chîje, çoulà vous dire m'chérîye....qui nos èstons bén seûr saquants côps miyonères, et qui dorénévant li cabarêt ( en tapant sa main sur son bras ) la... wête? D'ayeûrs on sère tout chûte....
Simone: Et bén dji nè r'vén nén, dji seû toute ritournéye. ( Paulin sert Simone dans ses bras et la fait tourner une fois, entre Léonie justement )
Léonie: Et bén et bén, vlà in spectake qu'on n'a nén l'abitude di vîr souvint dins l'monjone. Dijèz là patrone, dji di ça èyèt dji'n dit rén, mins l'bonbonne n'est nén cô r'mètûye, èt au lieu d'valser vos frîz branmint mîa di v'nu l'mète, ou bén l'dinner ni s'ra nén prèsse.A bonne entendeur salut. ( Sort vers cuisine )
Simone: Dj'arîfe Lèonie, dj'arîfe. Et bén wétèz djé mes djambes qui flajoles nu.
Paulin: A partir d'asteûr, vos estèz Madame. Fini les corvéyes, fini les eûres interminâbes padri l'comptwè, fini les odeûrs di toubac, et les ramâdjes des souléyes.
Simone: Dji m'achîs, ou bén dji va tchète fwèbe...
Paulin: Nos alons fé bâti ou bén ach'tér li villa di nos rèfes. Avou des partères di fleûrs, des grands âbes, in djârdén, èyèt in pi......
Simone: Eyèt in pidjonis naturèl'mint.
Paulin: Tout djusse. I n' manqu'rèt pus qu'ça qui dji rouvîye mes p'titès bièsses.
Simone: Vos avîz djuré:li djoû qu'on si r'tir des afêres, pupon d'pidjons Simone.
Ça fét 32 ans qui dji supwâte ces salès bièsses là. Eyèt pou saquants bèles anèyes qui nos d'mère à nos supwârter, vlà qu'vos candjèz cô d'idèye.
Paulin: Mi p'tite Simone d'acôrd, vos avèz rézon. C'est d'acôrd pupon d'pidjons!
N'espétche qui c'est maleureûs, in vous dès champions parèyes. Brunète...1 er prix à Dax. Poupouye....1 er prix à Soissons, Grisète...1 er prix à Orléans, Marquis....ricor'man di vitèsse à Barcelone.......èyèt vos mi d'mandèz di lès foute au diâle. I gna branmint saise qui vourît lès awè.
Simone: Djustumint c'est l'momint d'lès vindes.
Paulin: Bén ça n'a pon d'prix ène don çoulà.
Simone: A vos vîr, ça s'ra cô des promèsses d'ètourpineûs.
Paulin: Bén.....( Change de conversation ) A!...dji rouvieûs l'manôye pou Aimé. Comme il est pindu au comptwè toute li djournèye, i n'pou maux d'tchère èyèt ça n'vén nén à deûs minutes.
Simone: Toutes les grossès tièsses d'èle commune sont là estoù ?
Paulin: Bén oyi c'est l'ètermint di l'éch'vin des spaûrts à 10h30. Cô ène occasion pou fét touback. Et èyèt à trwês eûres c'est l'ètermint du Comte de Posson d'Udekem. Drolà i gn'ara cô pus d'djins.
Simone: Dji wêt qui l'touback vas cô durer l'djournèye, qué bèle vîye mès omes. Ça s'rè à r'fé, dji travây'rais come secrétère comunâle!
Paulin: A trwês eûres i faut qui dji vâye ètou ça, dji n'pou nén fét autremint......
Simone:A! Oyi, in, twè. C'est l'présidint d'honeûr du cèrke colombofile. Vos n'avèz jamès raté ène asemblèye, vos n'alèz nén raté à bèle si nètermints bén seûr, qwês ç'qui pins'reût on ?
Paulin: Ci n'est nén bén di dire çoulà. Ene ome si djinti, si dévoué pou nos cèrke colombophile. C'est li qu'èsteût nos mécènes, èyèt puis come c'est mi l'pus anciyins, c'est mi qu'a l'honeûr di pwârter s'courone di fleûrs.
Simone: Come c'est touchant. Bon mi dji m'va vîre à m'bonbonne. Salut champion.
Paulin: ( Qui a toujours le billet en main pour le changer ) C'esteûs pou qwê c'est liârds là ? Vlà qu'dji n'sé pus qwê.
SCENE IV
PAULIN.....NICOLE
Nicole: Et bén qwê on papa, èl manôye. I vos faut du timps pou candjî in biyèt.
Vos savèz bén qui l'cabarêt est plein èyèt vos m'lèyèz en plan. Tènèz candjè costi-çi...c'est du gârde forèsti, qu'on surnome " li Cougnou "
Paulin: I n'a jamès v'nu ci sti là, èt i vén dèdjà scroter m'manoye. ( Il prend sa caisse de monnaie dans le buffet)
Nicole: Il a d'su s'tchapia des pleûmes di toutes sôrtes di mouchons.
Paulin: Et bén dji nén pu assé d'manoye. Tènèz rindèz li s'biyèt d'dix milles, èyèt dijèz li qui c'est l'monjone qui paye.
Nicole: Mins vos v'nèz di dire qui n'esteût jamés v'nu çi!
Paulin: I n'aura dj'à nén dandji di prinde l'habitude de v'nu, pasqui dins saquants djous, on sère li cabarêt pou d'bon.
Nicole: Mins papa, ci n'est nén co lès condjîs!
Paulin: Mia çoulà m'fîye, c'est les condjîs à vîye qu'on prind, li r'pos éternel.
Nicole: Mins ç'qu'au çi vos pièrdèz l'boule savèz papa. Vos vos pèrdèz pou in rintî bén seûr !
Paulin: Vos l'avèz dit m'fîye dji pièd l'boule, ou pus râde dijons qui lès boules ont bén tcheûtes.
Nicole: Qwês ç'qui vos ramadjèz là on papa ? Dji n'vos comprind nén mi!
Paulin: Mi fîye, vos pére vént d'awê chîje boules bén métûyes, dins in djè qu'on lome " Lotto ".
Nicole: Qwê....vos......Oh non !......
Paulin: Si.
Nicole : Et bén...si dji m'atindeûs à ène parèye nouvèle....( On entend frapper sur les tables du café et crier ) Choutèz ça, on n'pou nén les lèyi deûs minutes tout seû.
Paulin: ( Ouvre la porte du café et crie ) Du calme les amis, du calme, vudèz vos vèrres c'est l'monjone qui paye.....
Nicole: Bén c'est ça, fièz'm morut du preûmi côp tint qu'vos i estèz! ( Sort )
Paulin: Pauve pètite.....dji m'va vos sortîz toutes les deûs di l'esclavâdje di t'nu in cabarêt. Finit les courbètes pou in d'mi. Finit di r'çuwêr lès afronts. Finit lès casseûs d'bazare au comptwê. Finit les Paulin :ène tournèye par çi èyèt en vitesse. Eyèt vos plèz r'marquer qui tous les céns qui dîje-nu en vitesse, deûs eûres après i sont co là. Mins tout ça va candjî m'fîye. Et dire qui n'faut qu'in p'tit papîs inci pou qu'tout candje dins ène vîye. Si n'faut nén ièsse côrnard......
( Se reprenant ) Non.......nén Simone quand minme.....Ele ni m' f'reût nén ça......Dijons pus râde qui c'est-in côp d'tchance.....Mins côrnard non.
SCENE V
PAULIN.....SIMONE
Simone: A! Vos estèz cô là . Wètèz, en v'lant taper ç'gazète çi au diâle, mi n'atincion a stî pwartéye dissu ène anonce dins l'colone des notéres.....Atindèz.. vlà....c'est droçi...lijèz!
Paulin: Villa magnifique à vinde.....plin pîd, parc,ètang, garage, 1200m2....... domaine du Mazarin, vue sur le moulin du Louât et sur le terril de Chouane. Terrain surélevé donnant une vue panoramique sur tout Farciennes. Mon Dié Simone c'est tout djusse çu qui dji rèveûs pou nos vîs djoûs.
Simone: ( Rêvant à son tour ) Mi ètou.......in plin pîd....
Paulin: In djardén...
Simone: Des âbes....
Paulin: Dins les campagnes du Roton......c'est trop biâ. Dji rêve....dijèz'm qui dji rêve.....Dj'achète alèz hop!
Simone: Vos ach"tèz ?
Paulin: Nos ach'tons!
Simone: Amen, il achète. Mins combén cousse t'èl ?